«Փաշինյանի թիմ կոչվածն իր նման անսահման անամոթ է». Արփինե Հովհաննիսյան

ՀՀ արդարադատության նախկին նախարար, ՀՀ ԱԺ նախկին փոխնախագահ Արփինե Հովհաննիսյանը ֆեյսբուքյան իր էջում գրել է. «Ն. Փաշինյանի թիմ կոչվածն իր նման անսահման անամոթ է։ Մեկն ասում է՝ ԹԵՐԱՑՈՒՄՆԵՐՆ այնպիսին չեն, որ գնան, մյուսն ասում է՝ հող հանձնել չի եղել պարտվել ենք, մյուսն ասում է՝ դավաճան չենք և այլն։ Ինքնասիրության իսպառ բացակայությունն ու անթերի տգիտությունը սրանց այն աստիճան են կուրացրել, որ բարոյալքման անդունդը վազելով են լցվում։ Թերացումը ո՞րն է։ Ահռելի զոհե՞րը, հազարավոր վիրավորնե՞րը, գերինե՞րը, անտուն մնացած մարդի՞կ։ Իսկ ո՞ր հարցում չեք թերացել։ Պարգևավճար բաժանելո՞ւ, լկտիաբար ստելո՞ւ, կոռուպցիայով զբաղվելո՞ւ, տիկին վարչապետի փիառի՞, ատելություն տարածելո՞ւ, ֆեյքով հայհոյելո՞ւ։
Առանց կրակոցի Քարվաճառը հանձնածների ու վարդենիսցու մեջքի հետևը թուրք կանգնացրածների սուրճի մասնագետը պատմում է, որ իրենք պարտվել են, հայրենիք չեն տվել:
«Անբարոյականության ու տգիտության» ֆակուլտետի առաջադեմ շրջանավարտներ, «Բարոյալքման ու պնդերեսության» թեքումով դպրոցի մշտական աշակերտներ, «Անինքնասիրության ու դավաճանության» ֆակուլտետի հավերժ դասախոսներ, ձեզ հարց տվե՞լ եք, թե էլ ի՞նչ պիտի լինի, որ թողնեք ու ... գնաք ստեղից։ Ո՞ր դեպքերում է կառավարությունը հեռանում։ Էլ ի՞նչ չեք արել, որ ուզում եք հասցնել...:
Ինչպես մի գիշերում ձեզնից գաղտնի ստորագրեց ու հայրենիք վաճառեց, էդպես էլ հրաժարական է տալու ու կանգնեք փաստի առաջ»: