Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Փաշինյան Նիկոլը վերջին 30 տարում Հայաստանում թույլ տված սխալների ծնունդն է». Արշալույս Մղդեսյան

«Փաշինյան Նիկոլը վերջին 30 տարում Հայաստանում թույլ տված սխալների ծնունդն է». Արշալույս Մղդեսյան
425
Շաբաթ, 28 նոյեմբերի, 2020 թ., 04:45

«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է. «Մի տեսակ անդարդ ու մեր լեռների պես հանդարտ նայում ենք՝ ինչպես է մեր պետությունը վարի գնում: Ֆեյսբուքում աղաղակելը հաշիվ չի: Ապակողմնորրոշված ենք, իրար կոկորդ ենք կրծում, ոչ մի կողմում պատասխանատվություն վերցնող թիմ չենք տեսնում կամ չենք ուզում տեսնել: Արադարացիորեն մեղադրում ենք վարչապետին ու իր թիմին: Պետությունն ազատ անկման մեջ է, թուրքը՝ Վարդենիսի մատույցներում: Սակայն չենք ուզում հասկանալ, որ Փաշինյան Նիկոլը վերջին 30 տարում Հայաստանում թույլ տված սխալների, վարած ծուռ ու շիտակ քաղաքականության ծնունդն է: Ինչպես մինչ այդ Լևոն Տեր-Պետրոսյանը՝ Խորհրդային Հայաստանի ու անկախության շարժման, Ռոբերտ Քոչարյանը՝ այդ ժամանակ ձևավորվող ու տրանսֆորմացվող հայկական էլիտայի, Սերժ Սարգսյանը՝ ամեն ինչից մի քիչ:

Բայց խոսքը վարչապետ Փաշինյանի մասին է: Էն, որ ասում են՝ ժողովրդի ծոցից դուրս եկած ղեկավար: Հասարակության մի ստվար հատվածն իսկապես աջակցում է նրան, իմ շրջապատում քիչ չեն նման մարդիկ: Գիտեք՝ ինչո՞ւ: Մեր հասարակության մի ստվար հատվածը չի սիրում, ուղղակի ատում է, որ իր ղեկավարն իրենից սոցիալապես բարձր ստատուս ու ինտելեկտ ունենա, մտածի ու գործի այլ կերպ: Մեր հասարակության մի ստվար հատվածը սիրում է Նիկոլին, նայում է հայելու մեջ ու տեսնում է նրան:

Սա ոչ լավ է, ոչ վատ, սա մեր իրականությունն է, 30 տարվա իրողությունների՝ հանրային գիտակցությունը թմրեցնող սերիալների, վատ կրթության, դեգրադացնող քաղաքական մշակույթի հանրագումարը:

Հ. Գ. Ծառն Աստծու մոտ գանգատ գնաց, թե կացինն ինձ կոտրեց, Աստված ասաց՝ մի զարմացիր. կոթը քեզանից է»։