Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Բերձորի տարածքը և քո թողած նեղլիկ ճանապարհը դառնալու են ազերիների ահաբեկչության թիրախ». Արտակ Զաքարյան

«Բերձորի տարածքը և քո թողած նեղլիկ ճանապարհը դառնալու են ազերիների ահաբեկչության թիրախ». Արտակ Զաքարյան
197
Ուրբաթ, 27 նոյեմբերի, 2020 թ., 15:10

Պաշտպանության նախկին փոխնախարար Արտակ Զաքարյանը ֆեյսբուքյան իր էջում գրել է. «Ո՜չ, Նիկոլը երբեք թույլ չի տա, որ զոմբիներն ու անուղեղները խելքի գան։ Նրանք Նիկոլին պետք են որպես զոմբի, անուղեղ մի զանգված, ում խաբելն ու կործանելը հեշտ լինի։ Դրա համար են եղել բոլոր ուղերձները, լայվերը, միտինգները, ու մյուս մանիպուլյացիաները։

Արդեն անցել է Հայաստանի տարածքները զիջելուն, ու էլի շարունակում է հպարտ քաղաքացուն էշի տեղ դնել։

Այ եթե ՀՀ քաղաքացիներն իրոք հպարտ ու արժանապատիվ լինեին, Նիկոլն իր խունտայով նոյեմբերի 9-ից սկսած պետք է պատասխանատվության կանչված լիներ, ոչ թե շարունակեր եթերում օյինբազություն անելը։

Բերձորի ու Սյունիքի մասին մտածիր, պարո՛ն Դավաճան։ Շուտով Բերձորի տարածքը, և քո թողած նեղլիկ ճանապարհը դառնալու է ազերի ավազակախմբերի ճանապարհային ահաբեկչության թիրախ։

Նիկո՛լ, Սոթքի հանքը տալը գցեցիր ԶՈւ ԳՇ գրպանը, իսկ Սյունիքի սահմանամերձ գյուղերի հայաթափման և հետագա բախումների վերաբերյալ, կաշիդ փրկելու բացատրություններ գտե՞լ ես արդեն, թե՞ դեռ ոչ։

Ամո՛թ բոլոր նրանց, ովքեր Նիկելից որևէ լավ բան են սպասում, կամ շարունակում են հանդուրժել ու ճանաչել որպես վարչապետի»։