«Աննա Հակոբյանը, Նիկոլ Փաշինյանը, Արծրուն Հովհաննիսյանն ու Արայիկ Հարությունյանը կեղծել են պատերազմի ընթացքը». Փոստանջյան

«Պարզվում է՝ Գյանջայի օդանավակայանի հօդս ցնդելը նույնպես կեղծիք է եղել. պատկերացրեք՝ Աննա Հակոբյանը, Նիկոլ Փաշինյանը, Արծրուն Հովհաննիսյանն ու Արայիկ Հարությունյանն ինչպես են համատեղ կեղծել պատերազմի ընթացքը: Իրենք էստեղ են կեղծել, ադրբեջանցիներն՝ էնտեղ»,- լրագրողների հետ հանդիպմանն ասաց «Երկիր Ծիրանի» կուսակցության առաջնորդ Զարուհի Փոստանջյանը: Նրա խոսքով՝ շատ հարցեր կան, որոնք պատասխանների են սպասում. «Նիկոլ Փաշինյա՛ն, ինչո՞ւ հրաման չես տվել թշնամու տարածքում դիվերսիոն գործողություններ իրականացնելու վերաբերյալ. ՀՀ-ն ու ԱՀ-ն թշնամու տարածքում ոչ մի գործողություն չեն իրականացրել»,- ասաց նախկին պատգամավորը: