«6) Քաղաքական հայացքների նկարագիր». ՀՀ էկոնոմիկայի նախարարությունը թափուր աշխատանքի աղմկահարույց հայտարարություն է տարածել

493

Ուրբաթ, 04 դեկտեմբերի, 2020 թ., 16:25

Քիչ առաջ ՀՀ Էկոնոմիկայի նախարարությունը Ֆեյսբուքի իր պաշտոնական էջում «Նախարարի տեղակալի թափուր պաշտոնն զբաղեցնելու վերաբերյալ հայտարարություն» է տեղադրել։
Աշխատատեղի համար դիմել ցանկացողներին ներկայացված է 8 կետից բաղկացած «մասնագիտական և անձնական հմտություններ»-ի պահանջներ։
Հատկանշական է, սակայն, որ 6-րդ կետում նախարարությունը պահանջում է, որպեսզի դիմումատուն ներկայացնի իր՝ «Քաղաքական հայացքների նկարագիրը»:

Այսպիսով, Էկոնոմիկայի նախարարությունը, փաստացի, արգելում է դիմում ներկայացնել այն քաղաքացիներին, ովքեր ունեն քաղաքական՝ ոչ իշխանական հայացքներ։ Ավելին, այս կերպ նախարարությունն իրականացնում է իր լիազորություններից դուրս տեղեկատվության հավաքագրում՝ քաղաքացիների քաղաքական հայացքների վերաբերյալ։