«Ինչո՞ւ չեք դիտարկում համաձայնագրի գոնե մասնակի դենոնսացիա». Վահրադյանը՝ Մարուքյանին

«Ձեր ճանապարհային քարտեզում որպես նպատակ ինչո՞ւ եք դիտարկում անորոշությունների ճշտում, ոչ թե համաձայնագրի գոնե մասնակի դենոնսացիա»,- այսօր՝ խորհրդարանական լսումների ժամանակ, մաթեմատիկոս Վաչագան Վահրադյանն այսպիսի հարց ուղղեց ԼՀԿ ղեկավար Էդմոն Մարուքյանին:

«Որովհետև մենք ի սկզբանե արձանագրել ենք, որ այդ եռակողմ հայտարարությունն այլևս իրողություն է, բայց այդ անորոշություններն ի նպաստ ադրբեջանական կողմի են գործում. այդ մասով մենք բանակցություններ պիտի վարենք»,- պատասխանեց Մարուքյանը:

«Դուք պատրա՞ստ եք նոր պատերազմի»,- հետաքրքվեց Մարուքյանը՝ հավելելով, որ փաստաթղթի մասնակի դենոնսացիան հղի է պատերազմի ռիսկով: