«Բայց ինչի՞ մեկ տարի հետո, եկեք հիմա՛ անենք ընտրություն». Ալեն Սիմոնյան

«Այն ամենը, ինչ որ տեղի է ունենում, ես անվանում եմ էլիտաների հեղաշրջման փորձ, որովհետև միտումնավոր շրջանցում են ժողովրդին, որն իշխանություն ձևավորողն է»,- այս մասին այսօր՝ ճեպազրույցի ժամանակ, անդրադառնալով երկրում տեղի ունեցող անհնազանդության ակցիաներին, հայտարարեց ԱԺ փոխխոսնակ Ալեն Սիմոնյանը:

«Մի խումբ քաղաքական գործիչներ որոշել են ՀՀ վարչապետ նշանակել մեկ տարի ժամկետով ու զավեշտը նրանում է, որ չեն խոսում ընտրության մասին և ՀՀ քաղաքացիներից խլում են ընտրելու իրավունքը»,- նշեց նա:

Դիտարկմանը, թե ընդդիմադիր ուժերը որոշել են մեկ տարի անց ընտրությունների գնալ, երբ կայունացում կլինի երկրում, Սիմոնյանն ասաց. «Բայց ինչի՞ մեկ տարի հետո, եկե՛ք հիմա անենք ընտրություն»:

Ալեն Սիմոնյանի համոզմամբ՝ իշխող ուժն այս պահին էլ ընտրություններում կհաղթի: