Ցուցարարները կարճ ժամանակով փակեցին Արշակունյաց պողոտան

ՀՀ վարչապետ Նիկոլ Փաշինյանի հրաժարականը պահանջող քաղաքացիներն այս պահին Արշակունյաց պողոտայում են: Նրանք որոշ ժամանակով փակեցին պողոտան, այնուհետև սկսեցին երթ իրականացնել հետիոտնային հատվածով:

Նշենք, որ անհնազանդություններն այսօր իրականացվում են ապակենտրոն եղանակով. ակտիվիստները տարբեր փողոցներ են փակում: Երթի ողջ ընթացքը հսկում են ոստիկանները, իսկ փողոցներ փակելու դեպքում, ցրում են ցուցարարներին և բերման ենթարկում մի քանիսին:

Այժմ քաղաքացիների մի մասը շարժվում է դեպի Գրիգոր Լուսավորիչ փողոց: