Ուրբաթ, 22 սեպտեմբերի, 2023 թ.
|
Ստեփանակերտում`   +19 °C

«Ո՞ւր ենք գնում և ի՞նչ ազգային նպատակ ունենք մեր առջև դրված». Վահե Տեր Մինասյան

«Ո՞ւր ենք գնում և ի՞նչ ազգային նպատակ ունենք մեր առջև դրված». Վահե Տեր Մինասյան
304
Չորեքշաբթի, 09 դեկտեմբերի, 2020 թ., 01:10

Ուռուցքաբան-գինեկոլոգ Վահե Տեր-Մինասյանը ֆեյսբուքյան իր էջում գրել է. «Ես՝ որպես ՀՀ քաղաքացի ու 3 երեխաների հայր, հարց ունեմ թեʹ իրեն ընդիմություն հայտարարած զանգվածին և թե այսօրվա իշխանությանը՝
1. Ո՞ւր ենք գնում և ի՞նչ ազգային նպատակ ունենք մեր առջև դրված։ Կոնկրետ ուզում եմ հասկանալ 5 տարի հետո մենք մտնելու ենք նոր պատերազմի մեջ ու զենքի ուժով հետ ենք վերցնելու այն ինչ կորցրել ենք, թե այս հինգ տարիների ընթացքում հարմարվելու ենք իրականության հետ ու փորձելու ենք շտկել հարաբերությունները հարևանների հետ...
2. Ներկա իշխանությունը կամ ընդիմություննը արդյոք մինչև վերջ պատրա՞ստ է պայքարել Հայաստանի ինքնիշխանության համար, թե առավելագույն կարճ ժամանակում փորձելու է Հայաստանը դարձնել Ռուսաստանի մաս (կլինի դա դաշնակցային պետություն թե ռուսական գուբերնյա պրակտիկորեն նշանակություն չունի)
Կարծում եմ և ներկա իշխանությունը և այսպես կոչված ընդիմությունը պարտավոր են պատասխանել այս երկու հիմնաքարային հարցերին՝ իրենց հետևից ժողովրդին տանելուց ու այդ ժողովրդի ապագայի հետ հերթական խաղն անելուց առաջ։
Հ.Գ. Ես չեմ քննարկում հարցադրումներիս պատասխանների ճիշտ կամ սխալ տարբերակը։ Ես ուզում եմ ոչինչ չասող հայհոյախառն աղմուկից բացի երկրի ապագայի կոնկրետ տեսլական տեսնել»: