Քաղաքապետը ներկայացրել է Աջափնյակի նորանշանակ ղեկավարին

413

Երեքշաբթի, 08 դեկտեմբերի, 2020 թ., 20:30

Երևանի քաղաքապետ Հայկ Մարությանն այցելել է Աջափնյակ վարչական շրջան և աշխատակազմին ներկայացրել վարչական շրջանի նորանշանակ ղեկավար Հայկ Մհրյանին: Ավելի վաղ հայտնել էին, որ Աջափնյակ վարչական շրջանի ղեկավար Թելման Թադևոսյանը հրաժարականի դիմում էր ներայացրել:

Հիշեցնենք նաև, որ այս տարի ամռանը այն ժամանակ դեռ փոխոստիկանապետ Հայկ Մհրյանի վերաբերյալ ծառայողական քննություն էր սկսվել․ մամուլը գրեց, որ ՀՀ նախկին ոստիկանապետ Արման Սարգսյանը և երկու տեղակալները՝ Արթուր Մարտիրոսյանն ու Հայկ Մհրյանը, 30 միլիոն դրամ են դուրս գրել ոստիկանության գաղտնի ծառայակիցների աշխատավարձը վճարելու համար, սակայն այդ գումարը համապատասխան մարդկանց չի հասել։