«Ռուսաստանում, Վրաստանում, Իրանում մեր երկրի դեսպանները պետք է փոխվեն». Արման Բաբաջանյան

ԱԺ պատգամավոր Արման Բաբաջանյանը ֆեյսբուքյան իր էջում գրել է․ «ԱԳՆ, ԱԺ, ԱԽ անսպառ անելիք կա: Եկեք նստենք, խոսենք, քննարկենք, անենք: Թե՞ էլի ամեն ինչ գիտեք:

Այսօր Բաքվի շքերթի ընթացքում հնչած որոշ հայտարարությունների վերաբերյալ ԱԳՆ-ն պետք է հանդես գա համարժեք հայտարարությամբ, մեր երկրից տարածքային հավակնությունների կապակցությամբ անհապաղ պետք է դիմի ՄԱԿ-ի ԱԽ-ին, ՀԱՊԿ-ին, ԵԱՀԿ-ին:

ԱԺ արտաքին հարաբերությունների, ԱԺ Պաշտպանության և անվտանգության հարցերի և ԱԺ Մարդու իրավունքների պաշտպանության հանձնաժողովները համատեղ նիստ պետք է հրավիրեն: Միասնաբար պետք է կոորդինացնեն աշխարհի խորհրդրանների հետ գրոհ-աշխատանքը:

ԱԺ-ն պետք է հանդես գա պատերազմի և մեր պահանջների և անելիքի վերաբերյալ ընդարձակ բանաձևով: Ռուսաստանում, Վրաստանում, Իրանում մեր երկրի դեսպանները պետք է արագ փոխվեն: Պետք է արմատապես վերանայել հարաբերություններն այդ ուղղություններով: Պետք է որակապես բարձրացնենք հարաբերությունները Եվրոմիության, Վրաստանի, Իրանի, ԱՄՆ-ի, Չինաստանի, Հնդկաստանի և արաբական աշխարհի հետ:

Ռուսաստանի հետ պետք է շտկենք հարաբերությունների ներկա դեֆորմացված վիճակը: Այն պետք է դարձնենք փոխշահավետ և իրապես արժանապատիվ ու դաշնակցային:
Շարունակելի...»: