«Փաշինյանին սատարողները հիմնականում «ֆեյքեր» են, ուստի իր փոխարեն «աջակիցների» հանրահավաք ենք կազմակերպել». Հ. Մամիջանյան

Ինչպես արդեն հայտնել ենք Կառավարության շենքի մոտ ընթանում է Նիկոլ Փաշինյանի հրաժարականի պահանջով ակցիա: Ակցիայի մասնակիցները ֆեյսբուքյան օգտատերերի պաստառներ են տեղադրել այնտեղ, որոնք, ըստ նրանց մեկնաբանության, Փաշինյանի «ֆեյք» աջակիցներն են:
«ՀՀ վարչապետի պաշտոնը ժամանակավորապես զբաղեցնող Նիկոլ Փաշինյանն ազատ, անկախ Հայաստան չի ուզում: Ինքը «ֆեյքահայաստանի» իշխանավորն ա, «ֆեյք» վարչապետ ա»,- ասաց ՀՀԿ երիտասարդական կառույցի ղեկավար Հայկ Մամիջանյանը:
Նրա խոսքով՝ սա վարչապետի «աջակիցների» ամենաանկեղծ ցույցն է:

«Քանի որ իրեն սատարողները հիմնականում համացանցային «ֆեյքեր» են, որոշել ենք իր փոխարեն իր «աջակիցների» հանրահավաք կազմակերպել, քանի որ անընդհատ ասում է, որ հուժկու հանրահավաք կանի»,- հավելեց նա: