«30 կոճակիստ՝ իրենց օգնականներով ու մնացած ծախսերով ուտում են գիտության զարգացման շանսերը». Արման Յարալյան

Ռեժիսոր, մուլտիպլիկատոր Արման Յարալյանը ֆեյսբուքյան իր էջում գրել է. «18 մլրդ դրամ, կամ 37,490,000 դոլար ա լինելու հաջորդ տարվա պարգևավճարների ֆոնդը, համաձայն եմ, որ լավ կառավարման համար լավ մասնագետներ են պետք, նրանց էլ լավ վարձատրել ա պետք, վատը չի թեզը, բայց էս թեզի տակ արդեն մոտ 3 տարի ոչնչի համար ա վճարվել էդ փողը։
Միայն գիտության կենսաբանական ճյուղերի զարգացման լաբեր բացելու համար 3-4 միլիոն դոլար ա ընդամենը պետք, որը թույլ կտա 5 տարի հետո ունենալ արդեն կայացած կառույցներ, որոնք բացի էն, որ ինքնաբավ են, այլ նաև երկրին ահռելի օգուտ կարան բերեն։
Մնացած ոլորտներում ավել-պակաս էլի մի էդքան, այսինքն՝ մենակ մի տարվա բլեֆ պարգևավճարների փողը, քաղաքական կամքի առկայության դեպքում գիտության վրա դնելով, մենք 5 տարվա մեջ, ամեն տարին տարվա վրա աճող ու համաշխարհային գիտական հանրության մեջ ուրույն տեղ ունեցող գիտական մի վայր կունենանք, եթե դա արված լիներ 18 թվին, հմի արդեն սաղմերը հստակ կերևային։
Մենակ Հրոյի պղծած Սահմանադրությամբ բացված հավելյալ 30 պատգամավորական կոճակների վրա ամսական ահռելի փող ա ծախսվում, ոչնչի համար, 30 կոճակիստ՝ իրենց օգնականներով ու մնացած ծախսերով ուտում են գիտության զարգացման շանսերը։
Կառավարությունները չեն անելու դա, ոչ էս մեկը, որը պտի գնա, ոչ հաջորդները, որովհետև քաղաքական միտք չի ձևավորվում մեր երկրում, չի ձևավորվում, որովհետև չկա համապատասխան գիտելիք։
Փակ շղթայից դուրս գալու համար՝ պետք ա գտնել ձևերն ու կամ պարտադրել պետապարատին անելու այդ ծախսերը, կամ ոլորտների մեջ մաս-մաս սկսել փող ներարկել, կոնկրետ կառույցներ ստեղծել, որ պրոցեսը շարժվի։ Բայց, մեկ ա, օրենսդրական ու մնացած հարցերը պետք ա լուծել, որ ոլորտն առողջանա։
Գիտության զարգացման ալտերնատիվը մաշեցնող, նվաստացնող պատերազմներն են»։