«Կան ոստիկաններ, որոնք իրենց պահում են՝ որպես ադրբեջանական շեվրոն ունեցող մարդիկ»․ Ռուբեն Մելիքյան

«Մենք մեր բողոքի ձայնն ենք բարձրացնելու այնքան ժամանակ, քանի դեռ մեր երկրում մենք մեզ զգում ենք ծնկած, որովհետև մեր երկրի ղեկավարը թշնամու առաջ ծնկած մարդ է։ Այսօր մենք ուղերձ ունենք ոստիկաններին, հատկապես առանձին ծառայողների։ Այստեղ ենք, որպեսզի նրանք վերացնեն այն վարքագիծը, որ անհամաչափ ուժ են կիրառում մարդկանց նկատմամբ»,- ՀՀ ոստիկանության շենքի դիմաց բողոքի ակցիայի ժամանակ հայտարարեց իրավապաշտպան Ռուբեն Մելիքյանը։

Նա ոստիկանությանը հիշեցրեց, որ նրանք Արամ Մանուկյանի հիմնած կառույցի առաջնորդներ ու ծառայողներ են՝ հորդորելով անհամաչափ ուժ չկիրառել ցուցարարների նկատմամբ։ «Ուզում ենք ասել, որ նրանցից շատերն իրենց պահում են որպես ադրբեջանական շեվրոն ունեցող ոստիկաններ։ Մենք այսօր մեզ հետ բերել ենք այդպիսի մի ադրբեջանական շեվրոն և հիմա այն պատռելով ցույց ենք տալիս, որ վերացնեն այդ ամոթալի վարքագիծը»,- ասաց Ռ․ Մելիքյանը։