«Ազգն այս մարդիկ են ձևավորվում». Վարուժան Գեղամյան

288

Երկուշաբթի, 14 դեկտեմբերի, 2020 թ., 03:15

Թուրքագետ Վարուժան Գեղամյանը ֆեյսբուքյան իր էջում գրել է. «1920թ. Հայաստանի արևմտյան դարպասը՝ Կարսը, ապաշնորհ կերպով հանձնվեց թշնամուն: Հայրենիքի մի մասի կորուստը չկարողացան հանդուրժել մի քանի սպաներ, որոնք նախընտրեցին ինքնասպան լինել, քան թե տեսնել, թե ինչպես է անառիկ բերդը հանձնվում թուրքին:

Նրանցից ամենահայտնին գնդապետ Հովհաննես Մազմանյանն էր, ով տեսնելով թուրքական բանակի մուտքը քաղաք, արտասանում է՝ «Մի կյանք ունեմ, Հայրենի՛ք, քեզ եմ տալիս»:

Հովհաննես Մազմանյանը դարձավ Հայ մարտիկի աշխարհընկալման, հոգեբանության ու վարմունքի իրական խորհրդանիշը:

Մազմանովյան հայրենասիրություն արտահայտությունը գործածվել է որպես հայրենիքի հանդեպ ամենաուժեղ սիրո խորհրդանիշ, ինչպես նաև մազմանովյան սինդրոմ-ը, որը համարվում էր ինքնամոռացություն կամ ինքնասպանություն, դավաճանական գործողությունների դեմ անզորության դեպքում:

Ազգն այս մարդիկ են ձևավորվում, ուստի այսօր այցելեցինք գնդապետ Մազմանյանի տունը Գյումրիում»: