«Մինսկի խմբից պահանջում ենք, որ նաև միջազգային խաղաղապահներ տեղակայվեն». Վարուժան Ավետիսյան

«Մեր հավաք-երթի նպատակն է մերժել կապիտուլյացիոն զինադադարը, որն իրականում զինադադար չէ, այլ կապիտուլյացիայի ակտ»,- հավաք-երթի մեկնարկին հայտարարեց Ազգային-ժողովրդավարական բևեռի անդամ Վարուժան Ավետիսյանը: «Այն վերաբերում է նաև Հայաստանի ինքնիշխանության տարածքին, սահմաններին: Բացի այդ Մինսկի խմբից պահանջում ենք, որ Արցախի հակամարտության լուծման գործընթացը վերադառնա Մինսկի խմբի ձևաչափ, նաև միջազգային խաղաղապահներ տեղակայվեն, թշնամու զորքերը դուրս բերվեն այդ տարածքներից»,- ասաց Ավետիսյանը՝ նշելով, որ փորձելու են նաև հանդիպել համանախագահող երկրների ներկայացուցիչներին: