«Իշխանությունները չեն կարող լինել ընտրությունների կազմակերպիչ և չեն կարող երաշխավորել ազատ ընտրություններ»․ Արփինե Հովհաննիսյան

«Նիկոլ Փաշինյանից ամեն ինչ սպասելի է, հետևաբար իրենք չեն կարող լինել ընտրությունների կազմակերպիչ և չեն կարող երաշխավորել ազատ ընտրություններ: Ասեմ ավելին, նրանք դա չեն արել նաև 2018-ին: Բազմաթիվ այդ մասին վկայություններ կան․․․։ Մեզ հիմա անհրաժեշտ է Նիկոլ Փաշինյանից զերծ Հայաստան: Դա նշանակում է առանց կեղծիքի ու առանց անարժանապատիվ պահվածքի Հայաստան»,- այսօր ընդդիմության կազմակերպած «անհնազանդության երթի» ժամանակ անդրադառնալով Փաշինյանի՝ արտահերթ ընտրությունների վերաբերյալ հայտարարությանը, ասաց ԱԺ նախկին փոխնախագահ Արփինե Հովհաննիսյանը։

«Այո, իրենք պատրաստվում են ընտրությունների և դա անելու են իրենց համար առավել հարմար պահի: Իրենց հաշվարկները, կարծում եմ՝ սխալ են, եթե կարծում են, որ մարդիկ չեն ընդդիմանալու»,- ասաց նա։