Այսօր տեղի ունեցավ Ազգային ժողովրդական բևեռի հավաք երթը ԱԳՆ-ի դիմաց

316

Երկուշաբթի, 14 դեկտեմբերի, 2020 թ., 19:15

Հայաստանի Եվրոպական կուսակցության նախաձեռնող խմբի անդամ Լուսինե Ազնաուրյանցը ֆեյսբուքյան իր էջում գրել է. «Այսօր տեղի ունեցավ Ազգային ժողովրդական բևեռի հավաք երթը ԱԳՆ-ի դիմաց, ուղղված Մինսկի խմբի համանախագահներին, միջազգային խաղաղապահներ խնդրելու նպատակով։ Անկախ այն բանից, որ մեր ոչ հարգելի վարչապետը հենց այդ պահին լայվ կազմակերպեց՝ հույս փայփայելով, որ պիտի կարողանա խանգարել ժողովրդին մասնակցել երթին, երթն ընտիր անցավ։ Եկել էին այնքան մարդ, ինչքան որ կարող էր տեղավորվել ԱԳՆ-ի դիմաց։ Իսկ կայանալիք երթի մասին հայտարարվել էր երթից ընդամենը մոտ 10 ժամ առաջ։ Կարճ ժամանակում հավաքվեց իմ ակնկալածից զգալիորեն ավելի շատ մասնակից»։