Կեղծ դիմում ՀՔԾ պետին. Մարտի 1-ի ֆոնին փորձել են գումար աշխատել. «Ժողովուրդ»

«Ժողովուրդ» օրաթերթը տեղեկացել է, որ 2019 թվականի օգոստոսի 8-ին կառավարության նիստում ընդունված 2008 թվականի մարտի 1-ից 2-ը Երևանում տեղի ունեցած իրադարձությունների ժամանակ տուժած անձանց աջակցության ձևի, չափի, աջակցության տրամադրման համար ներկայացվող դիմումի ձևի, դիմումին կցվող փաստաթղթերի ցանկի, ինչպես նաև դիմումի քննարկման եւ աջակցության տրամադրման կարգը հաստատելու մասին նախագծի ընդունումից հետո եղել են անձինք, որոնք ՀՔԾ պետ Սասուն Խաչատրյանին են դիմել և ներկայացրել այնպիսի հիմնավոր փաստաթղթեր, թե, իբր, իրենք մարտի 1-ի դեպքերի ժամանակ տուժել են ու կորցրել են առողջությունը՝ այդկերպ ցանկանալով կառավարությունից ստանալ 15 միլիոն դրամ: Մասնավորապես, «Ժողովուրդ» օրաթերթին հայտնի է դարձել, որ իրավապահները բացահայտել են, որ Ռուզաննա Ազրոյանը 2019 թվականի օգոստոսի 22-ին ՀՀ ՀՔԾ պետին դիմել է 15.000.000 ՀՀ դրամ ստանալու համար:

Սակայն մեր աղբյուրները փոխանցում են, որ Ռուզաննա Ազրոյանի մոտ ախտորոշված հիվանդության պատճառահետևանքային կապի վերաբերյալ վերը նշված ձեռագիր գրառումները բացակայել են: Այս արարքի համար վերոնշյալ կնոջը մեղադրանք է առաջադրվել ՀՀ քրեական օրենսգրքի 35-178 հոդվածներով:

Մանրամասները՝ թերթի համարում: