«Քսանվեց տարի թշնամին պատրաստվում էր պատերազմի, իսկ հայկական կողմը «կայֆերի» մեջ էր». Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Խաղաղություն ուզողը պիտի պատերազմի պատրաստվեր... էս ում եք գժի տեղ դնում... էս ինչ ծրագիր էիք կազմել, դրա համար Վազգենի գլուխը «կերա՞ք»... դրա համար Վազգենի ընտանիքին դավաճանեցի՞ք... Դուք մեռոնին թույն կխառնեք... ու խառնեցիք...
Քսանվեց տարի թշնամին պատրաստվում էր պատերազմի, իսկ հայկական կողմը «կայֆերի» մեջ էր... փողի մրցավազք էր, թե ով կարող էր ավելի շատ թալանել... դավաճաններ ժողովրդի մեջ մի փնտրեք, հեյ, դուք անաստված «հայրենասերներ», նայեք իրար երեսի «անկեղծ» ու կտեսնեք իրական դավաճաններին...
Ոչ մի իշխանություն էլ հավերժ չէ... բոլորն էլ վաղ, թե ուշ հեռանում են, բայց այն, ինչը դուք դաջել եք մեր ճակատին, չի ջնջվի երբեք...
Դուք հիմա բարեխիղճ մոլորության մեջ եք ու կարծում եք, թե մոռացվել է ամեն ինչը... երբ կգա ժամանակը, իսկ այն այնքան մոտ է, ոչ թե թավիշի, այլ հզոր ուժի առջև ծնկաչոք ներողություն եք հայցելու ժողովրդից... ժողովրդի դատաստանից ոչ մեկդ չի փրկվելու..
Հ.Գ. Այս ամոթալի պատերազմի ողջ պատասխանատվությունն ընկած է մեր երկիրը ղեկավարած «պարոնների» վրա...
Այս պատերազմը նաև մեծ դաս է ապագայի համար, թե հատկապես ինչպիսին չպետք է լինեն պետությունների ղեկավարները...
Բարի վերադարձ տղերք ջան... Իրական պայքարն ու պատերազմը դեռ նոր է սկսվելու...»: