ԵՄ երկրները պայմանավորվել են կես տարով երկարացնել Ռուսաստանի դեմ պատժամիջոցները

Եվրոմիության 27 անդամ երկրների մշտական ներկայացուցիչները պայմանավորվել են 6 ամսով երկարացնել Ռուսաստանի նկատմամբ տնտեսական պատժամիջոցները, որոնց ժամկետը լրանում է 2021-ի հունվարի 31-ին: Այս մասին ТАСС-ին հայտնել է ԵՄ Խորհրդում եվրոպական երկրներից մեկի պատվիրակության աղբյուրը։

«Այո, դեսպանները քիչ առաջ պայմանավորվել են երկարաձգել սահմանափակող միջոցները մինչև 2021թ-ի հուլիսի 31-ը»,-ասել է աղբյուրը:
Դիվանագետի խոսքով՝ այս որոշումն առաջիկայում պաշտոնապես կհաստատի ԵՄ խորհուրդը, որից հետո այն կհրապարակվի Եվրոմիության պաշտոնական ամսագրում և ուժի մեջ կմտնի: