Ընդդիմությունը վաղը Նժդեհի հրապարակից կսկսի ջահերով և մոմերով երթ դեպի «Եռաբլուր»

«Արժանապատվության երթի» ավարտին ՀՅԴ ԳՄ ներկայացուցիչ Գեղամ Մանուկյանը հայտարարեց, որ վաղը հավաքվելու են Գարեգին Նժդեհի հրապարակում. «Ժամը 18:30-19:00-ը ջահերով ու մոմերով, շարժվելու ենք մեր պայքարի, մեր հաղթանակների, ցավոք, նաև մեր պարտության սրբավայր «Եռաբլուր»: Լինելու է լուռ հիշատակի, մեր հերոսների հիշատակի խնկարկման երեկո: Շաբաթ օրը Ազատության հրպարակում ժամը 15:00-ին լինելու է կարճատև հանրահավաք, որից հետո Սուրբ Գրիգոր Լուսավորիչ եկեղեցում մատուցվելու է հոգեհանգստյան կարգ՝ ի հիշատակ մեր բոլոր նահատակների, հերոսների»,- ասաց նա: