Փաշինյանը հարգանքի տուրք է մատուցում նահատակված հերոսների հիշատակին

ՀՀ վարչապետ Նիկոլ Փաշինյանը Եռաբլուր զինվորական պանթեոնում հարգանքի տուրք է մատուցում հայրենիքի համար նահատակված հերոսների հիշատակին, ծաղիկներ դնում նրանց շիրիմներին։ Այստեղ են նաև զոհված զինծառայողների ծնողներն ու հարազատները։
Հիշեցնենք, որ Փաշինյանին դժվարությամբ հաջողվեց հասնել Եռաբլուր։ Նրա ճանապարհը կենդանի պատով փակել էին բազմաթիվ քաղաքացիներ, որոնք խոստացել էին արգելել վարչապետի մուտքը Եռաբլուր։ Փաշինյանը, սակայն, շրջապատված ոստիկանության տարբեր ստորաբաժանումների ծառայողներով և երթի մասնակիցներով, բարձրացավ վերև։