Դավիթ Տոնոյանը Հայաստանում է. նա «Եռաբլուր» է այցելել

ՊՆ նախկին նախարար Դավիթ Տոնոյանը Հայաստանում է և չի պատրաստվում հեռանալ երկրից։ «Sputnik Արմենիայի» տեղեկություններով՝ ՀՀ պաշտպանության նախկին նախարար Դավիթ Տոնոյանն այսօր այցելել է «Եռաբլուր», ծաղիկ դրել զոհվածների շիրիմներին։

Հիշեցնենք, որ Դավիթ Տոնոյանն իր պաշտոնը թողել է նոյեմբերի 20-ին, ԼՂ վերաբերյալ եռակողմ հայտարարությունից 10 օր անց։ Տոնոյանին պաշտոնում փոխարինել է Վաղարշակ Հարությունյանը։

Նշենք նաև, որ ԶԼՄ-ում լուրեր էին տարածվում, որ Տոնոյանը պաշտոնաթող լինելուց հետո հեռացել է երկրից, գրում էին, որ նա Ավստրիայում է։

Լուսանկարը՝ «Sputnik Արմենիայի»: