«Առուշանյանն ապօրինի հավաքներ կազմակերպելու մեջ է մեղադրվում»․ Ն․ Զոհրաբյան

«Նիկոլ Փաշինյանն այսօր հարյուրաապատիկ չի տիրապետում իրավիճակին։ Նա իր համար ստեղծել է վիրտուալ մի իրականություն, որտեղ ինքը փրկիչ է։ Փաշինյանը Հայաստանում դե ֆակտո իշխանություն չունի, և ես կարծում եմ, որ շուտով չի ունենա նաև դե յուրե իշխանություն»,- ՔԿ-ի դիմաց լրագրողների հետ զրույցում ասաց ԲՀԿ-ական պատգամավոր Նաիր Զոհրաբյանը։

Անդրադառնալով Գորիսի քաղաքապետ Առուշ Առուշանյանին բերման ենթարկելուն, Զոհրաբյանն ասաց, որ նրան արդեն մեղադրանք է առաջադրվել․ «Հոդվածը ենթադրում է երկու ամիս կալանավորում։ Ապօրինի հավաքներ կազմակերպելու մեջ է մեղադրվում, որը պարզապես անհեթեթ հոդված է։ Ես հույս ունեմ, որ քիչ անց Առուշանյանը դուրս կգա, որովհետև որևէ իրավական հիմք չկա նրան երկու ամսով կալանավորման սանկցիա տալու համար»։