«Դուք տեսաք՝ ով երկու օր առաջ մարտի մեկ կազմակերպեց Եռաբլուրում»․ Միքայել Մինասյան

«Ես այնտեղ ժողովուրդ չեմ տեսել, ես տեսել եմ ամբոխ, ստրուկներ, վախկոտ մարդիկ և այունոտ մարդասպաններ, և այդ մարդկանց դիմավորեց ժողովուրդը։ Նիկոլ Փաշինյանը այտնեղ գնաց և խայտառակ եղավ, ցույց տվեց իր իրական էությունը, բառացիորեն քայլեց տղաների գերեզմանների վրայով, իսկ այդ գերեզմաններում պառկած էր ժողովուրդը, հերոսները, որոնց գերեզմանները դեռ տաք էին»,- Requiem տեսաշարքի 4-րդ մասում անդրադառնալով Նիկոլ Փաշինյանի՝ Եռաբլուր այցին, ասել է Սուրբ Աթոռում ՀՀ նախկին դեսպան Միքայել Մինասյանը։

«Մենք ապրել ենք լեգենդով, որ մեր երկիրը չի կարող հաղթել, մինչև չլինի ժողովրդավար և կոռուպցիան չվերացնենք: Ես մեծ կողմնակից եմ ժողովրդավարության և ոչ կոռումպացված համակարգերի, բայց մի հարց եմ ուզում տալ, մենք նկատե՞լ ենք, որ մենք պարտվեցինք աշխարհի ամենակոռումպացված երկրին՝ Ադրբեջանին, ավելի կոռումպացված անհնարին է լինել: Դուք նկատե՞լ եք, կամ մենք նկատե՞լ ենք, որ մեզ հաղթեց աշխարհի ամենա ոչժողովրդավար երկիրը, որն իր իշխանությունը ժառանգել է»,-նշել է նա՝ ընդգծելով, որ եկել է «լեգենդները» ջարդելու ժամանակը:

Նախկին դեսպանի խոսքով՝ երկրորդ ամենակարևոր լեգենդն արևմտյան արժեքներն են, «իսկ իրական արևմտյան արժեքները մեր սրտում են, մեր էության մեջ են»:

Մ․ Մինասյանն ամենակարևոր լեգենդներից համարեց նաև մարտի մեկը․ «Ես չեմ ուզում որերորդ անգամ ապացուցել, որ մարտի մեկը Նիկոլ Փաշինյանի ամենասիրած ձին էր, ինքը նստում էր այդ ձիու վրա և վազում էր դեպի իշխանություն: Դուք տեսաք մարտի մեկը որն էր, և ով էր կազմակերպել, դուք տեսաք՝ ով երկու օր առաջ մարտի մեկ կազմակերպեց Եռաբլուրում, դուք տեսաք՝ ոնց են նիկոլականները ծեծում մայրերին, պռոշ էին ճղում, գլուխ էին ջարդում, գոռում էին՝ Նիկոլ վարչապետ: Դե խոսացեք մարտի մեկի մասին»,-ասել է նա՝ շեշտելով, որ ժողովրդի ու Նիկոլի միջև արդեն կա արյուն, որը նա թափել է: