«Գայանեի ամուսինն աշխատում էր Տոյոտայի սրահում, որը գիտեք՝ ումն է». Վ. Ալեքսանյան

ՔՊ կուսակցության՝ հասարակայնության հետ կապերի համակարգող Վահագն Ալեքսանյանը ֆեյսբուքյան իր էջում գրել է. «Գայանեի ամուսինը մինչև այսօր աշխատում էր Տոյոտայի սրահում, որը դե գիտեք՝ ումն է պատկանում։
Գայանեի ամուսինը չգիտեմ՝ ո՞ր քաղաքական ուժին է հարում, բայց հաստատ արժանապատիվ ու ընտիր մարդ է, իսկ իրեն աշխատանքից ազատողը թող մի ազնիվ մետաղով ականջին օղ անի, որ մարդկանց արժանապատվությունն աշխատավարձով չի վաճառվում։

Գայանեի ամուսնուն պատրաստ են տրամադրել անվճար փաստաբանական օժանդակություն, վստահ եմ՝ ընկերներս կօգնեն հնարավորինս շուտ աշխատանք գտնել, տղան ավտոէլեկտրիկ է, գուցե նաև իր գործն սկսի, որին ևս գուցե օգնություն պետք լինի»։

Թեմային անդրադարձել է նաև Երևանի ավագանու «Իմ քայլը» խմբակցության անդամ Վահե Գևորգյանը. «Աշխատողներին գործից ազատելով սպառնացողները համազգային գործադուլ են հայտարարել»։