«Մնում ա՝ թուրքը դուռը ծեծի, ասի՝ դավայ, դուրս եկեք». Քաջարանի քաղաքապետ

«Նախ Փաշինյանին մեղադրում ենք նրա համար, որ պատերազմ եղավ»,- լրագրողների հետ զրույցում հայտարարեց Քաջարանի քաղաքապետ Մանվել Փարամազյանը: «Առ էսօր նահանջում ենք… Էսօր թուրքը էկել-հասել ա մեր քթի տակ: Տո՛ւնդ շինվի, մնում ա՝ թուրքը դուռը ծեծի, ասի՝ դավայ, դուրս եկեք… Էրեկ Որոտանում չտեսա՞ք, հինգ հոգանոց շնչին թուրքն էկել, ասում ա՝ մինչև մի ժամ քեզ ժամանակ, ազատեք էս տունը… Խի՞ պիտի մարդիկ դաշտերով, այլընտրանքային ճամփեքով երթևեկեն ... Մա՞րդ էլ իրա երկրում մտածի անապահով ա»,- զայրացած ասաց քաղաքապետը:

«Մենք պահանջում ենք, որ ստեղծեն անվտանգության գոտի, որ անվտանգ լինի էս ամեն ինչը... Սահմանը բերել-հասցրել են Կապան...»,- նշեց Փարամազյանը:

Հիշեցնենք, որ Մանվել Փարամազյանը հրավիրվել է Քննչական կոմիտե: