«Այսօր փակագծեր կբացեմ». Առուշ Առուշանյան

«Իշխանությունները մեր քաղաքացիների անվտանգության մասին չեն մտածում»,- այս մասին այսօր հայտարարեց Գորիսի քաղաքապետ Առուշ Առուշանյանը, որը նույնպես Քաջարանի քաղաքապետին աջակցելու նպատակով Քննչական կոմիտեի դիմաց է:

«Ինչի՞ համար ենք տալիս, երբ էդ հողերը պահել ենք, երբ Ֆիզուլիի ու Կուբաթլուի շրջանը պայմանագրի որևէ կետում ֆիքսված չէ. պետք է մնային այնտեղ, որտեղ կանգնել էր պատերազմը»,- ասաց Առուշանյանը:

«Ես կոնկրետ որ հատվածում եղել եմ, 8 կմ ենք առաջ եղել»,- հավելեց նա:

«Այսօր փակագծեր կբացեմ… Էս սաղ ընթացքում մեր պետությունը չի կարա գա և ասի, որ որևէ գործառույթ կատարել ա»,- ասաց Առուշանյանը:

«Երեկ կայքերում քցել են, թե ընկերություն է պատկանում ինձ, և 16 միլիոն դրամի չարաշահում է կատարել: Դա եղել է այն ընկերությունը, որը պատերազմի ընթացքում կատարել է ողջ զինտեխնիկայի տեղափոխումները: Ուղղակի ծիծաղելի է, որովհետև 16 միլիոն դրամը երևի այդ ընկերության մի օրվա վառելիքի գումարն է եղել»,- ասաց նա: