«Երեկվա հանրահավաքից հետո որոշ իրավապահներ անցել են գործի». Գեղամ Մանուկյան

«Երեկվա հանրահավաքից հետո որոշ իրավապահներ անցել են գործի»,- այսօրվա հանրահավաքում հայտարարեց ՀՅԴ անդամ Գեղամ Մանուկյանը: «Գործը ՀՀ օրենսդրությունը, ՀՀ Սահմանադրությունը պաշտպանելը չէ, որի համար տվել են սպայական երդում, քաղաքացիական ծառայողի խոստում, ստանում են աշխատավարձ և ավելին՝ պարգևավճար: Նրանք անցել են գործի, որ ևս մեկ օր ծառայեն մեր ազգադավ վարչապետի աթոռը զբաղեցնող մարդուն»,- ասաց Մանուկյանը: «Հանրահավաքից անմիջապես հետո, իրար հերթ չտալով, Քննչական կոմիտեն, Ոստիկանությունը շտապեցին հայտարարություններ անել: Ոստիկանությունը մեջբերեց Իշխան Սաղաթելյանի խոսքերը և ասաց, թե անթույլատրելի է ԱԺ պատգամավորներին ստիպել որևէ քայլ անել: Դա օրենքով պատժելի է»,- նշեց Մանուկյանը:

Գեղամ Մանուկյանը հայտարարեց, որ Իշխան Սաղաթելանը հրավիրվել է Քննչական կոմիտե և քիչ անց կմիանա հանրահավաքին: