Դատարանը Ստյոպա Սաֆարյանին պարտավորեցրել է ներողություն խնդրել և վճարել 600000 դրամ

Երևանի ընդհանուր իրավասության դատարանը՝ նախագահությամբ Զարուհի Նախշքարյանի՝ մասնակի բավարարել է «Live News»-ի լրագրող Թագուհի Ասլանյանի հայցը, որով պարտավորեցրել է Հանրային խորհրդի նախագահ Ստյոպա Սաֆարյանին ներողություն խնդրել լրագրող Թագուհի Ասլանյանից՝ հասցրած վիրավորական արտահայտությունների համար, և վճարել 600.000 դրամ փոխհատուցում:

Դատարանը հայցը բավարարել է մասնակի, որովհետև հայցվորը փոխհատուցման պահանջի համար ներկայացրել էր 1.000.000 դրամ, սակայն բավարարվել է 600.000 դրամը: