«Որոտան և Շուռնուխ բնակավայրերի շուրջ կարող են հարցեր ծագել». Նիկոլ Փաշինյան

Կառավարության նիստում վարչապետ Նիկոլ Փաշինյանն անդրադարձավ Սյունիքի մարզում տեղի ունեցող սահմանային տեղորոշման հարցին:

«Տեղորոշման աշխատանքներն ունեն որոշակի նրբություններ և բարդություններ, բայց մեր համոզմունքն այն է, որ այդ աշխատանքը պետք է տեղի ունենա, և այն անհրաժեշտ է՝ Սյունիքի ու ամբողջ ՀՀ տարածքի անվտանգության ապահովման տեսանյունից»,- ասաց նա:

«Այնտեղ կարող են, երկու բնակավայրերի հետ կապված, որոշակի հարցեր ծագել: Խոսքը Սյունիքի մարզի Որոտան և Շուռնուխ բնակավայրերի մասին է: Դրանց շուրջ ամենօրյա աշխատանք է տարվում, և այդ հարցերը կարող են որոշակի ցավոտ իրավիճակների բերել»,- հայտարարեց վարչապետը:

«Բոլոր դեպքերում, եթե մեր քաղաքացիների շահերի տեսանյունից որոշ հարցեր առաջանան, Կառավարությունը լիարժեքորեն համարժեք փոխհատուցումներով հանդես կգա»,- հավելեց նա: