Որոտան և Շուռնուխ գյուղերի որոշ հատվածներ անցնում են Ադրբեջանին

Որոտանի տարածքից մի հատված անցնում է Ադրբեջանին: Այս մասին այսօր Tert.am-ին հայտնել է Սյունիքի մարզի Որոտան համայնքի ղեկավար Սուրեն Օհանջանյանը։
Օհանջանյանը ներկայացրել է, որ գյուղից որոշ տարածքներ, բնակելի շենքեր, օբյեկտներ անցնում են Ադրբեջանի տարածք: Սահմանազատումը տեղի է ունեցել GPS-ով:

«Սա միշտ մեր տարածքն է եղել, բայց հիմա հակառակորդին ենք տալիս: Իմ եղբոր տունը, օբյեկտը ևս այդ տարածքում է մնում և հիմա առանց ռուս խաղաղապահների նա չի կարող իր տանը մոտենալ, իրերը հավաքել: Այդ տարածքում շատերը այգեգործությամբ էին զբաղվում»,- ասել է նա։

Սյունիքի մարզի Շուռնուխ համայնքի ղեկավար Հակոբ Արշակյանը ևս հայտնել է, որ ադրբեջանցիները GPS-ով նշումներ են արել գյուղում, ըստ այդմ գյուղի մի մասը՝ 11 տուն, անցնում է Ադրբեջանին։
«Թուրքը եկավ, իր GPS-ով նշումներն արեց, ըստ որի՝ տակի թաղն անցնում է իրենց տարածք։ Իրանց երկու տոչկեն խփել են գյուղի սկզբից վերջը. ցույց է տալիս, որ այդ 11 տունը իրենցն է»,- ասել է նա՝ հավելելով, որ թուրք սահմանապահները եղել են մեր ԱԱԾ-ի և ռուսների հետ:

Մանրամասները՝ սկզբնաղբյուրում։