«Հիվանդ ու վիրավոր երեխեքին թողել էին Հադրութի պադվալներում»․ Մոնախ

Մոնախ անունով հայտնի Արթուր Այվազյանն այսօր մամուլի ասուլիսի ժամանակ հայտարարեց, որ Հադրութը հանձնվել է հակառակորդին առանց մեկ կրակոցի։

«Հադրութի հանձնման գործում առաջին պատասխանատուներից մեկը գեներալ Արթուր Աղաբեկյանն ա, երկրորդը՝ Պաշտպանության փոխնարարար Դավիթ Մանուկյանը, մնացածն էլ թող իրենք քննեն։ Առաջինը թող գնդի հրամանատարին կանչեն հարցաքննության՝ ինչի՞ ա Հադրութի գունդը տարհանվել առանց մեկ կրակոցի, ով է այդ հրամանը տվել․․․։ Հադրութում մնացած հիվանդ ու վիրավոր երեխեքին թողել էին Հադրութի պադվալներում, և ես մի ամբողջ գիշեր շրջանաձև պաշտպանություն եմ ապահովել՝ իմ ունեցած միջոցներով ու ուժերով մինչև լուսաբաց, որ առավոտը տարհանել եմ նրանց, այ, էդ երեխեքը, իրանց ծնողները կգան, վկայություններ կտան՝ ինչ ա տեղի ունեցել իրականում, թող ոչ մեկ մեծ-մեծ չխոսա»,- ասաց նա։