«Արցախում ինֆորմացիայի բազայի հետ կապված խնդիրներ ունենք. որոշ քաղաքացիներ չեն ստացել աջակցություն». Մեսրոպ Առաքելյան

«Վերջին մեկ ամսվա ընթացքում Աշխատանքի և սոցիալկան հարցերի նախարարությունը ներգրաված է պատերազմի հետևանքներով առաջացած սոցիալական խնդիրների կարգավորմանը»,- այս մասին այսօրվա ասուլիսում հայտարարեց Աշխատանքի և սոցիալական հարցերի նախարար Մեսրոպ Առաքելյանը:

«Կառավարության որոշումների արդյունքում ունենք սոցիալական 15 միջոցառում, որոնք հիմնականում ուղղված են պատերազմի հետևանքով տուժած քաղաքացիների խնդիրների ժամանակավոր կարգավորմանը»,- նշեց նա: «Մասնավորապես աառաջին ծրագիրը, որ նախաձեռնվել է, դա Արցախում հաշվառում ունեցող քաղաքացիներին ֆինանսական աջակցության տրամադրումն է՝ 68 հազար դրամ յուրաքանչյուր անձին և 15 հազար հավելավճար այն անձանց, ովքեր չունեն սեփականություն:

Նախարարը նշեց, որ այս խմբի մեջ կան որոշակի բացառություններ, որոնք չեն հանդիսացել միջոցառման շահառու: Այս պահի դրությամբ մոտ 90 հազար քաղաքացի օգտվել է միջոցառումից, տրամադրվել է 6,5 միլիարդ դրամի աջակցություն:

Առաքելյանի խոսքով՝ ծրագրից օգտվող քաղաքացիները կազմում են փաստացի շահառուների գրեթե 98 տոկոսը:

«Մյուս ծրագրերի մասով, ցավոք հատկապես Արցախում ինֆորմացիայի բազայի հետ կապված ունենք որոշակի խնդիրներ և առկա է քաղաքացիների մի փոքր հատված, ովքեր չեն ստացել աջակցությունը»,- հավելեց նախարարը: