««Իմ քայլը» խմբակցությունն ու Կառավարությունը չեն ներկայացել քննարկմանը». Արման Աբովյան

Ինչպես արդեն հայտնել ենք, «Բարգավաճ Հայաստան» խմբակցությունը կազմակերպել է աշխատանքային քննարկում՝ «Սահմանամերձ շրջաններում ստեղծված իրավիճակի, առկա խնդիրների, լուծման ուղիների, սահմանների ճշգրտման, պահպանության և անվտանգության ապահովման հարցերի վերաբերյալ» թեմայով:

«Քննարկմանը մասնակցելու պաշտոնական հրավեր են ստացել նաև «Իմ քայլը» խմբակցությունն ու Կառավարությունը»,- քննարկան մեկնարկին ասաց ԲՀԿ-ական պատգամավոր Արման Աբովյանը՝ նշելով, որ այս պահի դրությամբ ոչ իշխող ուժից, ոչ Կառավարությունից չեն ներկայացել քննարկմանը:

«Ես զերծ կմնամ այս պահին որևէ գնահատականներ տալուց՝ հույս ունենալով որ, ի վերջո, իշխանությունն ու Կառավարությունը կգան և կմասնակցեն այս կարևորագույն քննարկումներին»,- հավելեց Աբովյանը: