Ոստիկանություն է բերվել ակցիայի 28 մասնակից

317

Ուրբաթ, 25 դեկտեմբերի, 2020 թ., 21:25

Ընդդիմադիր կուսակցությունների այսօրվա բողոքի ակցիայի 28 մասնակից բերվել է ոստիկանություն: Այս մասին լրատվամիջոցներին հայտնել են ՀՀ ոստիկանության հասարակայնության հետ կապի և լրատվության վարչությունից:

Ակցիայի մասնակիցները ոստիկանություն են բերվել Վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար: 182-րդ հոդվածը ոստիկանության զորքերի զինծառայողի կամ ոստիկանության ծառայողի օրինական պահանջը չկատարելու համար առաջացնում է տուգանքի նշանակում՝ սահմանված նվազագույն աշխատավարձի հիսնապատիկի չափով: