«Նիկոլ Փաշինյանը հետևողականորեն քանդեց մեր երազանքները». Միքայել Մինասյան

«Նիկոլ Փաշինյանը հետևողականորեն քանդեց մեր երազանքը, որ բաղկացած էր երեք հիմնասյուներից»,- ֆեյսբուքյան էջում հրապարակած «Requiem 5. Երազանքներ» խորագիրը կրող տեսանյութում հայտարարել է Սուրբ Աթոռում ՀՀ նախկին դեսպան, Սերժ Սարգսյանի փեսա Միքայել Մինասյանը։

Ըստ Մինասյանի՝ առաջին հիմնասյունով՝ Արցախով մենք հետ բերեցինք և ունեցանք մեր անկախ պետությունը, Արցախով մենք առաջին անգամ վերականգնեցինք պատմական արդարությունը՝ ցույց տալով, որ մեզ անհնար է ուղղակի ջարդել և մորթել․ Սումգայիթից և Բաքվից հետո մենք հաղթեցինք։ Մենք մեր պատմական, ազգային, պետական երազանքներն իրականացրինք։

«Ամենամեծ վնասը, որ Նիկոլ Փաշինյանը պարգևեց Ադրբեջանին, իրենց համար ամենակարևոր բանը՝ ազգային երազանքը։ Ադրբեջանը նորաստեղծ երկիր է, ստեղծվել է փողի և հողի շուրջ։ Այնտեղ հանդիպել են տարբեր էթնոսի մարդիկ, որոնց միավորել է ապրելու վայրը և նավթը։ Ադրբեջանցիներին պակասում էր հաղթանակը, որ նրանք սկսեն դառնալ ազգ։ Նիկոլ Փաշինյանը մեզնից վերցրեց մեր ազգային երազանքը և նվիրեց ադրբեջանցիներին՝ անելով ամենակարևոր թշնամական ակտը»,- ասել է Մինասյանը։

Նրա խոսքով՝ արյան, հաղթանակի համն ընկել է ադրբեջանցիների բերանը. «Վերջին 3 տարիներին, երբ մենք դադարում էինք դառնալ պետություն և վերադարձանք ժողովուրդ կարգավիճակին, նրանք սկսեցին իրենց վերելքը ժողովուրդ կարգավիճակից պետություն ունեցող ժողովուրդ կարգավիճակին»,- ասել է նա՝ հավելելոբ, որ այդ գործընթացը չի դադարել, և բոլոր նրանք, ովեքեր ունեն երազանք, որ Ղարաբաղը տալով, Սյունիքի մի մասը տալով, Տավուշի մի մասը տալով՝ մենք կունենանք հանգիստ կյանք, սխալվում են։

Մանրամասները՝ տեսանյութում: