«Դա Փաշինյանի սովորական տրյուկն է»․ Վազգեն Մանուկյան

«Հայրենիքի փրկության շարժման» վարչապետի թեկնածու Վազգեն Մանուկյանն այսօր Հանրապետության հրապարակում լրագրողների հետ զրույցում անդրադարձավ ՀՀ վարչապետ Նիկոլ Փաշինյանի հայտարարած արտահերթ ընտրությունների հնարավորությանը։

«Անկեղծ ասած, ես նույնիսկ չեմ կարծում, որ ինքը գնալու ա արտահերթ ընտրության, ինքը դիտմամբ դաշտը նորից ուզում ա բաժանի կուսակցությունների՝ ովքեր են համաձայն, ովքեր՝ ոչ։ Դա իր սովորական տրյուկն ա՝ հին-նոր, սև-սպիտակ, էլիտա-ժողովուրդ։ Մենք հստակ ասել ենք՝ ոչ մի ընտրություն Նիկոլ Փաշինյանի ղեկավարությամբ չի կարող լինել Հայաստանում»,- ասաց նա։