«Այս երիտասարդն ԱԺ ամբիոնից քննադատեց նախկինների առանձնատները». Նարեկ Մալյան

Համացանցում տարածվում է իմքայլական պատգամավոր Հայկ Սարգսյանի այսօրվա ելույթը՝ կապված «դավաճանների» հետ: «Դավաճանները նրանք են, ովքեր 20-30 տարի երկիրը թալանել են, երկաթբետոնից պարիսպներով մեծ տներ են սարքել, ու էդ ընթացքում՝ հողից ու փետից՝ դիրքեր, դրանք են դավաճանները»,- ասել է պատգամավորը:

«Այս երիտասարդն այսօր ԱԺ ամբիոնից քննադատեց նախկինների առանձնատները»,- ֆեյսբուքյան իր էջում գրել է Նարեկ Մալյանը՝ կցելով պատգամավորի ունեցվածքի վերաբերյալ հայտարարագիրը: «Երիտասարդ, 1996-ին կենսաթոշակային վարչության պետ նշանակված հայրդ՝ Զարեհ Սարգսյանը, Քոչարի վրայի ձեր դղյակը ի՞նչ փողերով է սարքել, աշխատավարձո՞վ»,- հավելել է Ագնեսա Խամոյանը:

Հիշեցնենք՝ ամիսներ առաջ անդրադարձել էինք Հայկ Սարգսյանի ունեցվածքին. ավելի քան 32 միլիոն դոլարի բիթքոին, նվեր ստացած առանձնատուն ու գնած ավտոմեքենա: