«ԽՍՀՄ տարիներին միայն Նոյեմբերյանում ադրբեջանցիները 14000 հա առաջ են եկել». Հովիկ Վերանյան

373

Երեքշաբթի, 29 դեկտեմբերի, 2020 թ., 02:15

Լրագրող Հովիկ Վերանյանը ֆեսբուքյան իր էջում գրել է. «1984 թ., երբ Կարեն Դեմիրճյանի հանձնարարությամբ Վլադիմիր Մովսիսյանի գլխավորությամբ Նոյեմբերյանի շրջանում տարածքային ճշտումներ են իրականացվել՝ պարզվել է, որ 1920 թ. սկսած թուրքերը 14000 հա առաջ են եկել։
Պատկերացնու՞մ եք, ԽՍՀՄ տարիներին, 14 000 հա, միայն Նոյեմբերյանում, առանց 1 փամփուշտ կրակելու։
Իսկ որքա՞ն են առաջ եկել Սյունիքում, որքա՞ն են առաջ եկել Գեղարքունիքում, որքա՞ն են առաջ եկել Տավուշի մյուս շրջաններում։
Եվ սա դեռ ամբողջը չէ։ Թուրքերը Վլադիմիր Մովսիսյանին առևանգել են և սպառնացել կացինով գլուխը կտրել, եթե չհրաժարվի այդ քարտեզներից։ Եվ դա 1984 թվին։
Ու էսօր մեզ ուզում են համոզեն, որ թուրքերի ներկայությամբ հնարավորա անվտանգ ապրել։
Հ.Գ. Այստեղ ուշագրավ է այն, որ ԽՍՀՄ-ում տարածքային ճշգրտումներն անում էին 1920 թ. քարտեզներով։