«Պատգամավորը ներկայացնում է ամբողջ ժողովրդին, ոչ թե մենակ էն ժողովրդին, ով իրան ձեն ա տվել». Սուրեն Գրիգորյան

Ինչպես արդեն հայտնել ենք՝ ԱԺ արտահերթ նիստում քննարկվում է Նաիրա Զոհրաբյանի՝ որպես Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման հարցը։ «Իմ քայլը» խմբակցության պատգամավոր Սուրեն Գրիգորյանը մտքերի փոխանակման ժամանակ հայտարարեց, որ չի կարող որևէ հանձնաժողով, հատկապես մարդու իրավունքների հանձնաժողովը ղեկավարել մի մարդ, որը կրում է մի արժեհամակարգ, որի դեմ նա պետք է պայքարի։
«Այսինքն՝ երբ որ ինքը հնչեցնում է մտքեր, որոնց արմատախիլ անելուն պետք է նպաստի իր ամենօրյա գործունեությամբ... և եթե հարց է առաջանում, թե արդյոք ինքը կարող է իրականացնել էդ հանձնաժողովի նախագահի լիազորությունները... իմ համար, առհասարակ, հարցական ա, թե ո՞նց կարա նման մարդ պատգամավորի լիազորություններ իրականացնի, որովհետև, ըստ Սահմանադրության, պատգամավորը ներկայացնում է ամբողջ ժողովրդին, չի ասում, որ ներկայացնում ա մենակ էն ժողովրդին, ով իրան ձեն ա տվել, կամ ով իրան սիրում ու հարգում ա: Պատգամավորը ներկայացնում է ամբողջ ժողովրդին՝ այդ թվում էն ժողովրդին, ում կոնկրետ տիկին Զոհրաբյանն անվանում ա ժեխ»,- ասաց Սուրեն Գրիգորյանը՝ զարմանք ու ափսոսանք հայտնելով, որ նման հայտարություններ անելու հիմքով Նաիրա Զոհրաբյանի պատգամավորական լիազորությունները դադարեցնելու գործընթաց նախատեսված չէ։