«Վաղը հումանիտար բունտ է հասունանալու»․ Սայաթ Շիրինյան

«Այսօր շատ-շատ արժանապատիվ մարդիկ են ոտքի կանգնել, բայց վաղը հումանիտար բունտ է հասունանալու, և սրա դեմն իշխանությունները չեն կարողանալու դիմակայել»,- այսօր «Հայրենիքի փրկության շարժման» երթին՝ լրագրողների հետ զրույցում ասաց ոստիկանության գնդապետ Սայաթ Շիրինյանը։

Նրա խոսքով՝ «ինչքան շուտ հեռանա Փաշինյանը, այնքան լավ կլինի իր և շրջապատի համար»։

«Մի մարդ, որը ծնկի է եկել, մի մարդու, որին Ալիևը ծաղրում է՝ փաստացի ծաղրի ենթարկելով նաև մեզ, նա ի՞նչ կարող է անել մեր երկրի համար, կարո՞ղ է ինչ-որ մի բան փոխել․ թուրքը որտեղից ուզում է, մտնում է մեր տարածք, ի՞նչ պիտի նա անի։ Ի՞նչ է նշանակում՝ ես կապահովեմ ընտրությունները։ Մենք իրեն բազում անգամ ասել ենք՝ անվտանգության երաշխիք ենք տալիս քեզ ու քո ընտանիքին, հեռացի՛ր, թո՛ղ հասկանանք՝ մեր հայրենիքում ինչ ենք անում։ Մեր աստվածային երկիրը քանդեցիր»,- ասաց Շիրինյանը։