«Մենք պատերազմ ենք պարտվել և պարտված լինելուց է, որ հայտնվել ենք այս վիճակում». Անդրանիկ Քոչարյան

Այսօր «Եռաբլուր» պանթեոնում լրագրողների հետ զրույցում ԱԺ «Իմ քայլը» խմբակցության պատգամավոր, պաշտպանության և անվտանգության հանձնաժողովի նախագահ Անդրանիկ Քոչարյանը՝ հայտարարեց, որ իշխանության համար մեկ խնդիրն է բնակչության անվտանգության ապահովումը։
Հարցին, թե տարածքները զիջելո՞վ պիտի անվտանգությունն ապահովի, Քոչարյանն ասաց․ «Ես ուզում եմ ֆիքսենք, որ պատերազմ ենք պարտվել և պարտված լինելուց է, որ հայտնվել ենք այս վիճակում»։
Քոչարյանի խոսքով՝ հիմա պետք է միասնաբար հաղթահարել պարտվածի հոգեբանությունը։