««Դուխով» հիմարը և նրա դուդուկի տակ պարողները պետք է հեռանան». Արշակ Սադոյան

ԱԺ նախկին պատգամավոր, Հանրային խորհրդի անդամ Արշակ Սադոյանը գրել է. «Մենք կանք, կլինենք ու մեզ դեռ նախանձելու են
Սիրելի ֆեյսբուքահայեր, հայրենակիցներ, այս ծանր պարտությունից, այսքան ահավոր կորուստներից հետո ուղղակի անհնար է սովորականի պես բարեմաղթանքներով, հավեսով նոր տարվա մուտքը տոնել:
Իհարկ է՝ իր արածի հետևանքները չգիտակցող, այլոցից այդքան միամտորեն խաբվող, այս «դուխով» հիմարը և նրա դուդուկի տակ պարողները պետք է վերջնականապես հեռանան թատերաբեմից: Ցավալի է, որ ժամանակին չհասկացանք՝ ով ով է և նրանց պատճառով մենք ազգովի այսքան խայտառակ պարտություն կրեցինք:
Բայց եթե չկարողանանք ոտքի կանգնել, դա արդեն մեր ողջ ժողովրդի համար կործանարար կլինի: Դիմում, խնդրում եմ Ձեզ՝ իմ լավ ազգակիցներ, չհուսահատվել: Այս նոր տարին բեկումնային կլինի: Ելքի հնարավորություններ դեռ կան: Թե ոնց և ինչպես, իմ կարծիքը դրա մասին ես արդեն հայտնել եմ: Մի թևաթափվեք: Այս անելանելի թվացող փոսից էլ շուտով դուրս կգանք: Եւ մեր 10 միլիոն հայության ջանքերը համատեղելով, նորից մեզ արժանի, մեր ուրույն տեղն ու դերը կգրավենք պատմության մեջ:
Այս նոր տարին մերն է լինելու: Պետք չի կուչ գալ, թևաթափվել: Անցած լինի, կդիմանանք: Թեկուզ դժվար լինի, բաց խնդրում եմ բաժակ վերցրեք խմենք մեր ժողովրդի, մեր աննկուն կամքի, մեր ապագայի կենացը»: