«Պատերազմը գալիս է, երբ սեփական երկրում խաթարվում է բարոյականության բալանսը». Վարդ Սիմոնյան

Լրագրող Վարդ Սիմոնյանը ֆեյսբուքյան իր էջում գրել է. «Ամենասիրելիներ, իհարկե, խմվում է և նախևառաջ խաղաղության կենացը, բայց հիշենք՝ պատերազմը գալիս է, երբ սեփական երկրում խաթարվում է բարոյականության, ուժեղի և թույլի, հիմարի և խելոքի բալանսը։ Պատերազմը սկսվում է նախ սեփական տանը, և թշնամու գալուստը զուտ խորհրդանշական է։ Մաղթանքս՝ փոխենք հայրենական գեղագիտությունը, մեր հայացքի կոորդինատը, ազատ, ավելի ու ավելի ազատ կենսամիջավայր դարձնենք մեր մինուճար հայրենիքը, քաղաքական մաշված չուլուփալասը չթողնենք մեր դռներին: Հավատացե՛ք, Հայաստանն ունի ուսյալ ընտրախավ, որն իր ուսերի վրա կարող է երկինք բարձրացնել երկիրը: Հայաստանը հավերժ է, Հայաստանը հավերժ է»: