«Դուք մասշտաբները չեք պատկերացնում աղետի». Վ. Սարգսյան

Վեբ ծրագրավորող Վիգեն Սարգսյանը ֆեյսբուքյան իր էջում գրել է. «Ժողովուրդ, ես պնդում եմ էլի, սա գերկարևոր խնդիր ա: Սա աղբի հարց չի, աղբահանության հարց չի, աղբամանների սակավության հարց չի, դպրոցի կամ մանկապարտեզի հարց չի, սա ձեւավորված ու կարծրացած մտածելակերպի հարց ա, սա բացակայությունն ա էն գիտակցության, որ տանից դուրս էլի մերն ա, մայթը, մայրուղին, առուն, գետը, սարը: Էս շատ հեռու, վատ տեղ տանող մենթալիտետ ա: Երկու երեխա քայլում էին մայթով, կոնֆետի թուղթը գցեց գետնին, հարցնում եմ.
-Ինչի՞ գցեցիր, ձեր տանը կամ բակում չէս գցում չէ՞:
-Հա, չեմ քցում, բայց էս մերը չի..
Տարիքով մարդուն ասում էմ ախր պետք չի գցել սիգարետի մնացորդը գետնին կամ ծառի բնի մոտ քցել, ասում ա
-Բա ի՞նչ անեմ:
-Հանգցրեք, պահեք ձեզ մոտ, 10, 20, 50 մետր քայլեք հաստատ աղբաման կտեսնեք, չկա՞, ուրեմն պահեք ձեզ մոտ:
Լավագույն դեպքում հայացքը՝ ինչպես թուրքը խոզի մսին: Ոչ մեկի ուղեղում չի տեղավորվում՝ ոնց կարելի ա սիգարետի բիչոկը կամ ծամոնը կամ կոֆեի բաժակը պահի մոտը, ասում ա՝ աբսուրդ ա ախր:
Ոչ մի կառավարություն չի փորձել լուծել էս խնդիրը, մարդկանց համոզելով, կրթելով, տուգանելով, սոցիալական գովազդներով: Չլուծենք էս խնդիրը, չենք ունենա ոչ մաքուր Հայաստան, ոչ էլ կեղտոտ Հայաստան, որը ներկայում ա: Ո՞վ ա ուզում, վաղը եկեք գնանք մի 100կմ շրջենք, ես ձեզ ցույց կտամ ամեն ինչ, մեքենան ու վառելիքը իմ կողմից:
Քո չաղտոտելը քիչ ա, պետք ա խոսեք ձեր բարեկամ, հարազատների հետ, բացատրեք, համոզեք, խնդրեք որ իրենք էլ չանեն, ու նույն բանը փոխանցվի կողքինին: Հակառակ դեպքում ձեր շնորհակալական խոսքը զինվորներին ու բժիշկներին, կենացային մակարդակի ոչինչ չանող ու չասող պոնտ ա:
Պաթոս բան չկա ժողովուրդ ջան, դուք մասշտաբները չեք պատկերացնում աղետի:
Հայաստանն ա մերը, ոչ միայն Հայաստանում գտնվող մեր տունը:
Հ.Գ. Սա սովորական գյուղի առու ա, որտեղ մարդիկ լցնում էն ինչ աղբ պատահի: Հետո էս ջուրը գնում ա հողամաս, ջրում ա բերքը, որից օգտվում ենք բոլորս, այդ թվում նաև տվյալ գյուղացին»: