«Ընդունարանից ասում են` չունեն անգիտակից զինվոր, բայց հետո ճշտում ենք, որ կա»․ անհետ կորած զինծառայողի ծնող

«Որ գնում ենք բուժհաստատություն, մեզ հենց ընդունարանից սիրուն ասում են, որ չունեն անգիտակից զինծառայող, բայց իրանց դեմքից երևում ա, որ խաբում են, հետո ճշտում ենք, որ կա, հրաման են տվել, որ ոչ ոքի չասեն»,- ասաց Կառավարության դիմաց հավաքված անհետ կորած զինծառայողի ծնողներից մեկը՝ նշելով, որ չի իմանում, թե որն է թաքցնելու իմաստը։
«Հիմի իմ էրեխեն կոմայի մեջ ա, ես ուզում եմ մի վայրկյան շուտ տենամ․․․ Ես կարող ա իմ էրեխու ձեռը բռնում եմ, կոմայից դուրս ա գալիս, կամ նենց բան եմ կարում անեմ իմ էրեխու համար, որ իրանք չեն կարում... Քանի կար պատերազմ էր, հիմի էլ ընկել ենք ուրիշ ուղղություններով ենք ման գալիս․․․ Փաստորեն, էրեխեն Հայաստան ա, ման ենք գալիս մեր հողի մեջ, չենք կարում գտնենք»,- ասաց հայրը՝ նշելով, որ երեխայի լուսանկարը տեսել են պաշտպանության նախարարության տրամադրած լուսանկարների մեջ։