«Կառավարման լծակներին տիրապետողների մոտ էս պարզ ճշմարտությունն ընկալելի չէ». Գարեգին Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Անհնար է Սովետական միության չափերին ու բնույթին համապատասխան բյուրոկրատական կենտրոնաձիգ կառավարման համակարգով ստանալ 20-րդ դարի պահանջներին համապատասխան ժողովրդավարություն, մի բան էլ, եղածի արդյունքում, որպես պետություն դիմագրավել 21-րդ դարի մարտահրավերներին։

Ցավալի է, որ կառավարման լծակներին տիրապետողների մոտ էս պարզ ճշմարտությունն ընկալելի չի, հակառակ դեպքում, փոփոխությունների ուղղությամբ գոնե ձախողված փորձեր կլինեին։ Այնինչ մենք տեսնում ենք միայն եղած համակարգը պահելու ապարդյուն ջանքեր։

Որքան որ պարզ է խնդիրը, նույնքան և պարզ են լուծումներն ու դյուրին դրանք կյանքի կոչելու ճանապարհները, բայց անհնար՝ քանի դեռ չկա պատասխանատուների կողմից խնդրի գիտակցում և լուծելու քաղաքական կամք»։