«Ի՞նչ էր անում Քյարամյանն Արցախում և ինչո՞ւ էր նա անընդհատ Արայիկ Հարությունյանի հետ». Տ. Աբրահամյան

Այսօր՝ մամուլի ասուլիսի ժամանակ Արցախի նախագահի նախկին խորհրդական Տիգրան Աբրահամյանը հայտնեց, որ ԱԱԾ նախկին տնօրեն Արգիշտի Քյարամյանն Արցախում եղել է նաև պաշտոնանկությունից հետո:

Ըստ Աբրահամյանի՝ Քյարամյանն Արցախում ուղեկցում էր տարբեր նախկին ու ներկա պաշտոնյաների, անընդհատ Արցախի նախագահի նստավայրում էր. «Չգիտեմ, թե ինչ ծավալի քննարկումների է մասնակցել, կամ ինչ ազդեցություն է ունեցել որոշումների կայացման վրա, ինչ միջնորդական դերակատարություն է ունեցել: Ամեն դեպքում ՀՀ իշխանությունը պարտավոր է հանրայնացնել այն տեղեկատվությունը, թե ինչու է պատերազմի ընթացքում Քյարամյանին ազատել պաշտոնից, դա բավականին կարևոր տեղեկատվություն է»,- ասել է նա:

Տիգրան Աբրահամյանի խոսքով՝ մինչև հիմա պատասխան չի տրվել այն հարցին, թե ինչու է Արցախի նախագահը հայտարարում, որ ՀՀ ԱԱԾ էլիտար ստորաբաժանումը փախել է. «Դրա պատասխանը դեռևս չի հնչել: Դա լուրջ սպառնալիք է, որովհետև ԱԱԾ-ն պատասխանատու է մեր երկրի հասարակության, սահմանների անվտանգության համար: Իսկ այդ կառույցի նկատմամբ մեղադրանք է հնչեցվել»,- ասել է նա:

Մանրամասները՝ տեսանյութում: